' اللہ ۔۔۔۔۔ مجھے معاف کردیں ۔ '' وہ سسک اٹھی تھی ۔
'' بہت بےبس ہوگئی ہوں آپ کا سہارا چاہتی ہوں ۔۔'' بہتی آنکھوں سے رک رک کر الفاظ ادا کرتی وہ رب کے حضور تڑپ رہی تھی ۔
'' مجھے معاف کردیں اللہ ۔۔۔۔۔۔ میں نے آپ کو بھلا دیا ۔۔۔۔ معاف کردیں نا ۔۔'' وہ بے اختیار سجدے میں گرکر پھوٹ پھوٹ کر رو دی تھی ۔ وہ سجدے میں گری سسک رہی تھی ۔ نجانے کتنے دنوں سے جمع دل کا غبار آج نکال رہی تھی ۔ وہ واقعی بےبس ہوگئی تھی ۔ اس کی بےبسی اسے سالوں بعد اپنے رب کے قریب لائی تھی اور وہ اس بےبسی پر بےحد پرسکون تھی ۔ اس کی سسکیاں کم ہونے لگیں ۔ آنسو تھمنے لگے ۔ جیسے جب ایک بچہ اپنی ماں کی آغوش میں آکر کچھ دیر روتا ہے ، تکلیف کا اظہار کرتا ہے پھر اس آغوش کی نرمی محسوس کرکے پرسکون ہوجاتا ہے ۔
وہ بھی اب اپنے رب کی بارگاہ کی نرمی محسوس کرکے پرسکون ہوگئی تھی ۔ اس کے بہتے آنسو تھم گئے تھے ۔ اس نے آرام سے سجدے سے سر اٹھایا ۔ آنکھوں میں ہلکی ہلکی نمی تھی ۔ گالوں پر آنسوؤں کے نشان تھے ۔ پلکیں نم تھیں ۔ ناک رونے کی وجہ سے لال ہوگیا تھا ۔ اس نے جائے نماز سے اٹھ کر جائے نماز کو طے کر کے رکھا پھر بیڈ پر بیٹھی ۔ دل پرسکون ہوگیا تھا ۔ اس کی نظر موبائل کی روشن اسکرین پر پڑی ۔ اس نے موبائل اٹھایا تو ریان کا میسج جگمگا رہا تھا ۔
'' آنسو صاف کرو اپنے ۔ '' وہ اس حکم پر ہلکا سا مسکرائی ۔ جانتی تھی کہ ریان اسے خود سے بھی زیادہ جانتا ہے۔ ۔ اسی لئے وہ حیران نہیں ہوئی تھی ۔ اس نے ہاتھ کی پشت سے گال رگڑے پھر آنکھیں صاف کیں ۔
'' اب پانی پیو ۔ '' ایک اور حکم ملا ۔ اس نے سائیڈ ٹیبل پر پڑے جگ میں سے پانی گلاس میں نکالا پھر گلاس لبوں سے لگایا ۔ پانی پی کر اس نے گلاس سائیڈ ٹیبل پر رکھا ۔
'' اب سائیڈ ٹیبل کی دراز میں سے اپنی میڈیسن نکالو اور کھاؤ فورا ۔ '' ایک اور حکم تھا ۔
Read Complete Novel Here
Read More Novel by Fatima Lagari
📚 اردو ناول اپڈیٹس کے لیے ہم سے جڑے رہیں
نئے اردو ناولز، تازہ اقساط اور اپڈیٹس کے لیے اب ویب سائٹ بار بار چیک کرنے کی ضرورت نہیں۔ ہمارا واٹس اپ چینل جوائن کریں اور ہر نئی پوسٹ کا لنک وہیں حاصل کریں۔